అదివిని దశరధు డాతృత
మొదలవ వీరెట్లు యాగము కుపకరింతుర్
పద నేనే వచ్చెద నన
కుదరదు ఏదైన చేతు కోరుకొ అనవే 09
రాముడు బాలకుండు పటు రాక్షస మూకల తోడ పోరి మీ
కామిత మెట్లు తీర్చు ,పద కావఁగ వచ్చెద నేనె సేనతో
క్షేమముగాను యాగమున కెగ్గుయు లేకను చేతు నన్నచో
ఆముని ఆగ్రహించి యనె ఆడిన మాటను తప్పుతావటే 10
గురువు వశిష్ఠు డపుడు ద
శరథునితొ పలికె,భయమును సందేహములున్
సరికావు ,నితఁడు వీరల
పరమ ప్రసిద్దులుగ చేయు పంపుము నేడున్ 11
చనె రామలక్ష్మ ణులు ఆ
ముని వెంటను నేర్చుకొనుచు ముఖ్యా స్త్రములన్
తునుమాడె తాటకి యను
పెను రక్కసి రాముడు గురు ప్రేరణ తోడన్ 12