Khidki se girta hua mousam aaj bhi uski yaad dilata hai.Yaad mujhe aksar is mousam me sath baithkar baate karna uske sath,vo chai ki chuski lena,uska vo baate dohrana sab yaad aa jata hai.Jab bhi yaad aati hai to pta nahi kyu aankho se ashqh beh jaate hai.Kabhi kabhi sochta hu ki kaash Tum sath hoti aaj,tum thi to khushiyaan thi,meri jindagi me bhar thi,me khud me tha.
Achanak kisi ke ne kandhe par hath rkha to mera dhayan tuta me yaado se bahar aa gya.Aarohi thi meri beti "papa ab so jaiye na raat bhut ho gyi hai"usne mujse kaha.Maine muskurakar good night kaha.
"Maa ko yaad kar rhe the na"usne mujhe tokte hue kaha
"Haa beta,ab yaad hi kar to sakta hu,bass uski yaade hi to sath hai,sivaye uske"
"Hmm shi kaha yaade hi hai bass,jab sath thi tab to aapne khayal rakha nhi na unka"
Mera hairaan ho gya ki ye kya keh rahi hai meri beti"beta,aisa kyu bol rahi ho maine tumhari maa ka bhut achhe se khayal rakha tha,kisi chiz ki kami na hone di use,kabhi rulaya nhi na hi sataya"maine kaha
"Haa jaanti hu,bhut hi khass tarike se rakha tha maa ko sab kuch diya to tha aapne,sivay apne keemati waqt ke alawa"usne thoda gusse me kaha
"Nhi beta aisa nahi hai,me office ke kaamo ke vajah se kabhi kabhi waqt nahi de pata tha,par iska matalab ye nahi ki me use waqt nahi deta tha"
"Haa papa aapke liye to apni pregnant Biwi se jyada important to kam hai tha na,tab bhi important tha jab meri maa ko aapki sabse jayada jarurat thi,tab bhi aapke liye kam hi important tha na,meri maa akeli cancer se ladti rahi apne dard ko bardashat krti rahi tab bhi aapke liye uska sath dene se jyada important kam hi tha"vo aankho me aansu liye or gusse se bhare lehje me boli
Me sunnn padh gya,alfaz gale se nikal nhi rahe the,meri aankho se ek dhar si bahne lagi
"Or aaj jab function me sabke parents aaye the apne apne bachho ko support karne tab bhi aap busy the kam me,apni beti ke liye time nhi tha aapke pass,kabhi socha hai papa aapne jab bhi aapke pyar aapke support ki jarurat hoti hai tab aap kam me busy rehte hai,jaante hai ye award ye sab jeet kar bhi haar jaati hu,jab aap sath nhi hote hai apni beti ki jeet dekhane ko, vacations par mere friends unke parents ke sath travel par jaate hai time spend karte hai unke sath, par me,me kaha se karu ye sab, Sunday tak bhi aap apni beti ke sath nhi bitate ek chutti bhi aap nahi beeta sakte hai,you know papa aisa na ho ki apki beti bhut door Chali jaye or tab bhi aap busy hi rahe,papa nafrat hone lagi hai ab aapse,I hate you Papa"itna kehkar vo dodkar rote hue apne kamare me chali gyi.
Me akela sunn sa khada reh gya aansu dono aankho se beh rahe the,gala bharrah gaya tha,alfaz atak se gye the me bass roye jaa rha tha maano jaise saalo se roya nhi,aaj meri beti ne mujhe ye kya keh diya vo nafrat krne lagi hai mujhe,haa karni bhi chaiye sahi insaan nahi hu me bhut bura hu me aaj tak apne matalab or fayade ke alawa dekha hi kya hai maine, hamesha apne kaam me busy hi raha hu sach hi kaha usne maine sahi me Reema ko waqt diya hi kaha hai,naam bna ne ke chkkar me parivaar ko bhula diya,kitni takleef kitna dard saha hoga na Reema ne,or ab Aarohi ne,me,me hu sabka jimmedar me hi gunahegaar hu,vakai agar vo nafrat krti hai to uska nafrat krna jayaj hai,maine kitna rulaya hu us binn maa ki bachhi ko,kitna dard diya hai,aaj uski maa hoti to kya vo ye sab hone deti,uski maa bann ne ki jagah me uska papa bhi thik se nahi bann paya,me vakai neech insaan hu,vo mujse nafrat kare,me isi kaabil hu
Uss raat me so nahi paaya,puri raat aansu bahate bahate nikal gyi.subh jaldi uthkar Poha banaya nashte me Aarohi ko bhut pasand hai na.
Good morning beta Utah gyi aao breakfast kar lo tumhara favourite breakfast banaya hai Poha aao plate laga di hai
"Aapne banaya Papa"usne hairaani se pucha
Maine muskarte hue haa me jawab diya
Achnak phone ki ring baji
"Hello,Ajay meri saari meeting cancel kar do aaj me koi meeting nahi lena chahta na hi kisi se milna chahta hu"
Yeh kehkar maine phone kaat diya
"Papa saari meetings cancel kyu aapki tabiyat to thik hai na"usne pucha
"Haa beta me ek dum fit and fine hu,bass aaj me pura dinn,ab se har Sunday or chutti ka dinn tumhare sath bitauga"maine kaha
"Sachhi me Papa aapne kahi aaj subah subah to drink nahi ki hai na"usne mazakiya lejhe me kaha
"Nahi beta maine koi drink nahi ki hai me sach keh raha hu abse har weekend tumhare sath hi bitauga"maine bindass hokar kha
"Wow that's very great thing papa"khate hue usne mujhe baaho me bhar liya
"Papa sorry last night maine aapko bhut kuch bhala bura kha I'm sorry papa"usne masumiyat se kaha
"Nhi beta I'm sorry,meri saari galtiyo ke liye,mujhe maaf kar dena mere bachhe bhut dil dukhaya hai maine meri Princess ka, sorry beta"maine use chumte hue kaha
Ha maaf kar dungi par ek shart par,aapko aaj apne hatho se khana bnakar khilana pdega or shopping par bhi le jana hoga or dinner bhi bhar krenge hum ok papa usne farmaishiye tarike se kaha
"Haa bhai bilkul or haa movie bhi dekh lenge or ice cream bhi khaye"maine bhi haste hue kaha
"Yeah you're the best father"kehte hue usme mujhe gale se laga liya
Ab me ek nayi shuruat karne jaa rha hu ab me jeena chahta hu sirf tumhare liye,sirf meri Princess ke liye,meri beti ke liye.